Joriy yilning 3-noyabr kuni O‘zbekiston va Qozog‘iston chegarasidagi “S.Najimov – Kazigurt” nazorat-o‘tkazish punktida o‘zbekistonlik haydovchi kaltaklangan. Bu haqda Transport vazirligi xabar berdi.

Qayd etilishicha, Transport vazirligi mazkur holat bo‘yicha Qozog‘iston Respublikasi Transport vazirligi va boshqa tegishli idoralari bilan muzokaralar olib borilganini ma’lum qildi.

Muzokaralarda qozoq tomoni o‘zbek haydovchisiga jarohat yetkazish bilan bog‘liq hodisa tegishli organlar tomonidan nazoratga olingani, hozirda Turkiston viloyati, Sariyog‘och tuman politsiya bo‘limi tomonidan tergov surishtiruv ishlari olib borilayotgani va Qozog‘iston Respublikasi JKning 293-moddasi bilan ish qo‘zg‘atilganligi, gumondor shaxs Qozog‘iston fuqarosi qidirilayotganini ma’lum qilgan.

Shuningdek, “Kurmangazi” chegara o‘tish punktida avtotransport vositalari to‘planib qolishi holatini oldini olish bo‘yicha qozoq tomoni barcha tegishli choralarni ko‘rayotgani ma’lum qilindi.

• Chegara
• Qozog‘iston