Taniqli yozuvchi, kinodramaturg Murod Muhammad Do‘stning "Lolazor" romani o‘zbek adabiyotidagi eng yaxshi romanlar qatorida turadi.

Murod Muhammad Do‘stning "Lolazor" romanidagi birgina lavha asosida 2005-yilda "Xotira rashki" badiiy filmi suratga olingan. Film ssenariysini Yusuf Roziqov hamda Bahodir Odilov yozishgan. Film bosh rejissyori Fotih Jalolov bo‘lgan. 

"Xotira rashki" filmida “Lolazor” hikoyasidagi lavha asosida suratga olingan bo‘lib, bolalik chog‘ida dahshatli sel oqibatida o‘z yaqinlaridan judo bo‘lgan yozuvchi Shuhrat Mardonovning kechinmalari haqida hikoya qilinadi. 

Oradan ko‘p yillar o‘tib, mashhur yozuvchi Shuhrat Mardonov o‘zi tug‘ilib o‘sgan qishlog‘i yaqinida joylashgan sanatoriyga davo olish maqsadida keladi va u yerda ukasi Shavkat sel chog‘ida omon qolgani haqida xabar topadi.

Eslatib o‘tamiz, adibning ko‘plab kinossenariylari film qilingan va hozirgacha xalqimiz tomonidan katta qiziqish bilan tomosha qilinadi. "Galatepalik avliyo", "Dev va pakana", "Po‘sht, arava", "Okaxon", "Ko‘rgim keladi" kabi filmlar shular jumlasidan.