Shokolad yurak-qon tomir faoliyatiga ijobiy ta'sir ko‘rsatadi, kayfiyatni ko‘taruvchi serotonin moddasi ishlab chiqarilishini ta'minlaydi, uning tarkibidagi glyukoza esa aqliy va jismoniy faoliyatni yaxshilaydi. Asosiysi, shokoladni me'yorida iste'mol qilishni unutmaslik.

Marhamat, dunyoning eng yaxshi shokoladlari ro‘yxati bilan tanishing.

9-o‘rin. “Vosges” (AQSh).

Amerikaning shokolad ishlab chiqaruvchi bu kompaniyasi o‘z mahsulotlarini g‘ayrioddiy ta'mlar bilan ta'minlashi orqali mashhur. Masalan, kompaniyaning dudlangan go‘sht bo‘lakchalari aralashgan sutli shokoladlari juda ommalashgan. Bundan tashqari, kompaniya qo‘ziqorinli, vasabili, sousli, qalampirli shokoladlarni ham taklif etadi. 

8-o‘rin. “Soma” (Kanada). 

Kompaniya o‘z faoliyatini 2003 yilda boshlagan. Ushbu kompaniya mahsulotlarining yuqori sifati va turli-tumanligi bilan nom qozongan.

7-o‘rin. “Lindt” (Shveytsariya).

Kompaniya tarixi 1845 yilga borib taqaladi. Mazkur ishlab chiqaruvchi o‘zining yuqori sifatli shokoladi bilan dovruq qozongan. “Lindt” mahsulotlari dunyoning yuzdan ortiq mamlakati bozorlarida sotiladi.

6-o‘rin. “Scharffen Berger” (AQSh).

Kompaniya o‘zining kakaoga boy va murakkab retseptli shokoladlari bilan tanilgan.

5-o‘rin. “Michel Cluizel” (Fransiya).

Bu kompaniya shokoladlari tarkibi eng oliy sifat talablari darajasiga javob beradi. “Michel Cluizel” mahsulotlari dunyoning qirqdan ortiq mamlakatida sotiladi.

4-o‘rin. “Valrhona” (Fransiya).

Kompaniya 1922 yilda ish boshlagan. Asosan qora shokolad ishlab chiqaradi. Mahsulot ishlab chiqarish uchun turli navdagi kakaolardan va turli uslubdagi tayyorlash jarayonlaridan foydalaniladi.

3-o‘rin. “Bovetti” (Fransiya).

Kompaniya tarixi 1994 yildan boshlangan. “Bovetti” 150dan ortiq turdagi shokolad ishlab chiqaradi. Shokoladlarga turli ta'm berish uchun gullarning gulbargi (chuchmoma, lavandy, atirgul), mevalar (banan, apelsin, gilos), ziravorlar (gorchitsa, rozmarin) qo‘shiladi. 

2-o‘rin. “Leonidas” (Belgiya).

Kompaniya 1913 yildan buyon faoliyat ko‘rsatadi. Bugungi kunda “Leonidas” Yevropadagi eng yaxshi shokolad ishlab chiqaruvchilardan hisoblanadi.

1-o‘rin. “Amedei” (Italiya).

Kompaniya 1990 yilda tashkil etilgan. “Amedei” mahsulotlari ko‘p marotaba dunyoda eng yaxshi deb topilgan. “Amedei”ning ayrim shokoladlari dunyodagi eng qimmat shokoladlardir.