Kiprning Pafos shahrida o‘tkazilayotgan mukofot jamg‘armasi 1 million yevroni tashkil etuvchi Nomzodlar turnirida 1 ochkolik tafovut bilan Javohir Sindarov peshqadamlik qilmoqda.

1-aprel kuni o‘tkazilgan 4-tur bahslarida o‘zbekistonlik grossmeyster amerikalik Fabiano Karuanani mag‘lub etdi. Ameriklik grossmeyster soatida 48 soniya vaqt qolganda taslim bo‘ldi. Shu tariqa Sindarov ochkolari sonini 3,5 taga yetkazib olib, musobaqada yaqqol peshqadamga aylanib oldi. Bungacha Karuanada ham 2,5 ochko mavjud edi. Shuningdek, bu g‘alaba orqali Sindarovning FIDE reytingidagi ochkolari 2759,2 taga yetib, onlayn jadvalda 6-o‘ringa ko‘tarilib oldi. 

Ertaga, 3-aprel kuni 5-turda Javohir Sindarov qora donalarda yana bir amerikalik grossmeyster Hikaru Nakamuraga qarshi bahs olib boradi. 

Ma’lumot uchun, Sindarov Jahon toji uchun o‘ynash imkoniyatini beradigan turnirda ishtirok etayotgan birinchi o‘zbek shaxmatchisi hisoblanadi. O‘n to‘rt turdan iborat mazkur turnir g‘olibi jahon toji uchun hindistonlik Gukesh Dommarajuga qarshi dona suradi.

• Kipr
• Shaxmat
• Sport