Hayotimizdagi ba’zi tovushlar tinchlanishga, shirin xayollar surishga, o‘tganlarni yod olishga, kelajak haqida tasavvur qilishga yordam beradi. Biz so‘z yuritmoqchi bo‘lgan tovushlar sizga, aynan, shunday kayfiyat ulashishiga ishonamiz.
Yomg‘irning shitirlashi
Tomdagi yomg‘ir tovushi insonni tinchlantiradigan eng yaxshi tovushdir. Olimlarning ta’kidlashicha, bu ovoz olis o‘tmishdagi ajdodlarimizning bizga yo‘llayotgan “salom”i. Bunday deyilishiga sabab, yirtqichlar yomg‘irda ov qilishmaydi. Qadimda qabila bo‘lib yashagan odamlar esa yomg‘ir vaqtida biroz bo‘lsa-da, xavfdan holi bo‘lishgan.
Shunga ko‘ra, yomg‘ir ovozi uxlashga yaxshi yordam beradi (ya’ni o‘tmishda xavfdan holi bo‘lgan odamlar, bemalol, uxlashgan). Shunday qilib, agar siz uxlashga qiynalayotgan bo‘lsangiz, ushbu kuy ostida mizg‘ib olishga harakat qiling:
Dengiz shovqini
Bu ovoz tabiiy tinchlantiruvchi hisoblanadi. Dengiz tovushidan asab kasalliklarini davolashda ishlatilishi ham bejiz emas. U, hatto, depressiyani davolay oladi.
Oqayotgan suv
Agar dengiz ovozini yoqtirmasangiz, uni boshqa har qanday suv tovushi bilan almashtirishingiz mumkin. Oqayotgan suvning har qanday shovqini asab tizimiga foydali ta’sir ko‘rsatadi. Aytgancha, shuning uchun ham dizaynerlar uyda yoki idorada dekorativ sharshara o‘rnatishni tavsiya qilishadi. Hozircha esa, o‘zingizni ushbu trek bilan xursand qilib turishingiz mumkin.
Mushukning xurullashi
Mushuklarning xurullagan ovozi 20-40Hz oralig‘ida yangraydi. Aynan, shu chastota ultratovushning ijobiy ta’siriga o‘xshash terapevtik xususiyatga ega. Hattoki, tibbiyotda bu ovoz stressga qarshi kurashishga yordam beruvchi felinoterapiya sifatida qo‘llaniladi.
Agar mushugingiz bo‘lmasa, ushbu video sizga yordamga keladi. To‘liq bir soatli xurullashdan bahramand bo‘ling.
Qor g‘ichirlashi
Qishni yaxshi ko‘rish uchun yana bitta yaxshi sabab bor – bu yangi yoqqan qordan yurganda chiqadigan tovush. Albatta, shaharda bunday toza, beg‘ubor qor topish oson emas. Shunday ekan o‘zingiz uchun vaqt topib tog‘ yonbag‘irlariga sayohat qiling.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!