Bugun, 21-iyun kuni 12:50da Islom Karimov nomidagi Xalqaro aeroportida “FlyArystan” aviakompaniyasining “Turkiston – Toshkent – Turkiston” yo‘nalishi bo‘yicha aviareys kelib qo‘ndi.

Xabardor.uz muxbirining ma'lum qilishocha, chiptalar narxi bir tomonlama parvoz uchun 870 ming so‘mdan boshlanadi.

Bugun aviakompaniya ushbu yo‘nalishda birinchi 180 yo‘lovchini olib kelgan. Bundan buyon muntazam reyslar haftasiga 2 marta: dushanba va payshanba kunlari amalga oshiriladi. Parvoz davomiyligi 50 daqiqa davom etadi.

Ma’lumot uchun, Qozog‘istonning ushbu aviakompaniyasi Turkistondan tashqari Olmaota va Nur-Sultonga parvozlarni 2019-yil may oyidan yo‘lga qo‘ygan.