Ayrimlar har bir taomni achchiq qalampir bilan  iste'mol qilsa, ayrimlar qalampirli taomdan uzoqda yuradi. Aslida qalampirdagi faol moddalar barchaga bir xilda ta'sir qiladi. Xo‘sh, unda nima uchun hamma achchiq qalampirga har xil munosabatda bo‘ladi?

Miyadagi fikr

Achchiq qalampir achchiq taomlardan uzoqroq yuradiganlarga kuchli ta'sir ko‘rsatadi. Bu ong bilan bog‘liq bo‘lib, achchiq taomni yoqtirmaydiganlar uchun qalampirning ta'siri bir necha barobar oshib ketadi. Parhezshunoslarning aytishlaricha, achchiq taom me'yorida faoliyat yuritadigan ovqat hazm qilish tizimi uchun aslo zararli emas.

Kapsaitsin va retseptorlar

Kapsaitsin — qalampirga achchiq ta'm beruvchi modda. Aynan u retseptorlarga ta'sir ko‘rsatib, nafas olishimizni qiyinlashtirib yuboradi. Bu xavflidek tuyulishi mumkin, lekin u xuddi yalpizli saqich chaynagan holatdagidek ta'sir ko‘rsatadi, faqat sovuqning o‘rniga issiqni his qilasiz.

Tarki odat

Achchiq taomlarni xush ko‘ruvchilar tug‘ilganidanoq emas, yillar davomida achchiqni yoqtirib qoluvchilarga aylanishganini ta'kidlashadi. Achchiq taomlarga o‘rganib qolish qalampirning ta'siriga ko‘nikish hisobiga paydo bo‘ladi. Hindiston va Meksikada bolalikdan boshlab achchiq taomlar iste'mol qilishgani bois ular qalampirning achchig‘iga chidamli bo‘lib yetishadilar.

Yuqori harorat

Achchiq qalampir tabiiy termogenik hisoblanadi — u tana haroratini ko‘taradi. Shuning uchun achchiq taomlarni xush ko‘ruvchilar issiq iqlimda istiqomat qiluvchi kishilardir — tashqi va ichki muhit shu holatda bir-biriga mos keladi. Bundan tashqari, achchiq qalampir kayfiyatni ko‘taruvchi endorfin moddasi ishlab chiqarilishiga sabab bo‘ladi.