Surxondaryo viloyat Sho‘rchi tumani, “Jarqishloq” mahallasida yashovchi fuqaro U.Qosimova tumandagi 33-sonli umumiy o‘rta ta’lim maktabida o‘qituvchi bo‘lib ishlaganini, homiladorlik va tug‘ish bo‘yicha hamda bola tug‘ilganda beriladigan bir martalik nafaqasi berilmayotganligidan norozi bo‘lib, Adliya vazirligiga pm.gov.uz portaliga murojaat yo‘lladi, deb yozmoqda Adliya vazirligi matbuot xizmati.

O‘rganish jarayonida, haqiqatan ham fuqaro U.Qosimovaning homiladorlik va tug‘ish bo‘yicha hamda bola tug‘ilganda beriladigan bir martalik nafaqasi berilmayotganligi aniqlangan. Adliya boshqarmasining aralashuvi bilan fuqaro U.Qosimovaning 6 mln. 368 ming so‘m homiladorlik va tug‘ish ta’tili uchun hisoblangan puli hamda 446 ming so‘m miqdorida bola tug‘ilganda beriladigan bir martalik nafaqasi to‘lab berilgan.