Zamonaviy telefonlar allaqachon aloqani ta'minlashga qaratilgan birinchi vazifasi doirasidan chiqib, bizning ko‘nglimizni ochish, mashq qildirish va dars berishni boshlagan. Biroq ularning ko‘p imkoniyatlari u yoki bu darajada tarmoq bilan bog‘liq, shuning uchun agar Internetga kirish imkoni bo‘lmasa, eng zamonaviy smartfon ham oddiy telefon go‘shagiga aylanadi. Agar avvaldan bu turdagi ilovalardan birini o‘rnattirmagan bo‘lsangiz. Xo‘sh, Internetga kirish imkoni bo‘lmaganda, smartfon vositasida qanday foydali ishlarni bajarish mumkin?

Podkast tinglash

Ha, albatta, telefon xaritasida bo‘lgan musiqani tinglashingiz mumkin. Biroq yangigina podkast eshitish qiziqroq. Buning uchun siz avvaldan maxsus ilovani o‘rnatishingiz kerak. Ilova siz ko‘rsatgan kanallarni yoki sizni qiziqtirgan mavzularni avtomatik ravishda yuklab olishi mumkin. Bu turdagi eng yaxshi ilovalardan biri — Podcast Addict. Siz bu ilova vositasida kalit so‘zlar bo‘yicha audio va videopodkastlarni izlashingiz, kanallarni yoki alohida guruhlarni tanlangan mediaga qo‘shib, qo‘lda RSS-lentalarni yoki YouTube kanallarni qo‘shishingiz, OPML-fayllarni import qilishingiz va eshitish yoki avtonom rejimda ko‘rish uchun yangi epizodlarni qo‘shishingiz mumkin.

Tanlangan sahifalarni o‘qish

Ishonchimiz komilki, ko‘pchilik odamlar singari sizda ham tarmoqqa qo‘yiladigan hamma qiziq maqolalarni o‘qishga vaqt yetmaydi. Bu muammoning eng ma'qul yechimi — keyingi qoldirilgan mutolaa uchun maxsus dasturni o‘rnatish. Ularning hammasi bitta tamoyil asosida ishlaydi: siz tegishli servisdagi maqolani tanlaysiz, u maqola mazmunini saqlab, matnni sizning mobil qurilmangizga uzatadi. Shu tariqa maqolani avtonom rejimda ham xotirjam o‘qishingiz mumkin bo‘ladi. Bunday turdagi eng yaxshi servis — bu Pocket. Uning klipperlari har qanday brauzer uchun qulay, maxsus mobil ilovalari esa deyarli barcha platformalarga mos. Maqola saqlanayotganda u vizual axlat va reklamadan tozalanadi, shuning uchun sizga faqat matn va rasmlar qoladi.

Til o‘rganish

Siz xorijiy tilni o‘rganish borasida ilg‘or o‘quvchi bo‘lasizmi yoki endi ilk qadamlarni qo‘ydingizmi, har qanday holatda ham, sizga maxsus o‘quv kurslari yordam beradi. Ularning yordamida yangi so‘zlarni bilib olishingiz, tanish so‘zlarni takrorlashingiz, grammatika qoidalarini o‘zlashtirib, talaffuzingizni mashq qildirishingiz ham mumkin. Xorijiy tilni o‘rganishga mo‘ljallangan ko‘plab mavjud dasturlar orasida Duolingo farq qiladi. U bizga to‘laqonli kurslarni taklif qiladi. Har bir dars turli xil topshiriqlarni qamrab oladi. Sizga faqat o‘qish va tarjima qilish emas, talaffuz va to‘g‘ri yozishni ham mashq qilish taklif etiladi. Shu tariqa siz materialni to‘liq o‘zlashtirish imkoniga ega bo‘lasiz.

Mashq qilish

Tarmoqdan foydalana olmaslik — bu yana mashq qilish uchun ajoyib bahona. Bunda sizga smartfoningiz hamroh bo‘lib, murabbiy sifatida ishlashi mumkin. Fitnes uchun, shuningdek, yugurish mashqlari uchun mo‘ljallangan ko‘plab dasturlar mavjud. Virtual murabbiylarning eng yaxshilaridan biri — Sworkit. Nihoyatda oddiy, shu bilan birga turli mashqlarni qamrab olgan bu ilova sizga qulay vaqt va joyda mashq qilish imkonini beradi. Bunda sizga hech qanday qo‘shimcha uskuna kerak bo‘lmaydi.

O‘yin o‘ynash

Ha, biz bunga har doim tayyormiz. Qolaversa, sizga oddiy emas, balki aqliy rivojlanish uchun foydali o‘yinlarni taklif etamiz. Bu o‘yinlar sizning oflayn vaqtingizni o‘tkazishgagina emas, xotirangizni mustahkamlashga, mantiqiy fikrlashga, reaksiya tezligini oshirishga, nostandart qarorlar qabul qilishga va har bir qadamingizni avvaldan o‘ylab olishga yordam beradi.