1.  Braziliyada hozir bahor fasli. Dekabr oyi o‘rtalaridan yoz boshlanadi. Iyun, iyul va avgust qish fasli oylaridir. Chunki, Braziliya geografik jihatdan biz tarafda emas, Yerning ikkinchi yarimsharida joylashgan.

2.  Braziliyada (poytaxti Braziliya shahri) saylovda ishtirok etmagan fuqaroga jarima solinadi. Ovoz berish huquqini taqdim etuvchi hujjat (título de eleitor) – har bir fuqaroning muhim hujjati hisoblanadi.
Foto

3.   Braziliyaliklar “yo‘q” so‘zini ishlatib, suhbatdoshini xafa qilib qo‘ymaslik uchun faqat “ha” so‘zidan foydalanishadi. Biroq, va’dasida turmasligi mumkin.

4.  Braziliyada mobil telefonlar hisobi dorixonalarda to‘ldiriladi. Bu portugal tilida “recarregar” deb ataladi.

5.  Braziliya Lotin Amerikasidagi portugal tilida so‘zlashuvchi yagona davlat. Faqat braziliyaliklar qo‘llaydigan portugal tili asl portugal tilidan ancha farq qiladi. Lotin Amerikasidagi boshqa davlatlarda rasmiy til ispan tili hisoblanadi. 

Braziliya restoranlarida “Shvedcha stol” uslubi keng tarqalgan. Har qanday taom 100 gramm nisbatda baholanadi. Restoranlarda keng tarqalgan yana bir xizmat turi bu – rodiziodir.  Bunda xo‘randa stol yoniga kelib o‘tiradi. Unga restoran menyusida mavjud turli taomlardan navbati bilan olib chiqiladi. 
Foto

6.  Braziliya aholisi Lotin Amerikasidagi boshqa mamlakatlar singari yapon taomlarini juda ham yoqtirishadi. Bu mamlakatda qulupnay va suzma pishloqli rollilar, shirin povidlo qo‘shib tayyorlangan losos go‘shtli guruchni eng aziz mehmonlarga taklif qilinadi. 
Foto
7.  Braziliyada qo‘lning bosh barmog‘ini ko‘rsatib “zo‘r” ishorasini berish  salomlashishda ham, xayrlashishda ham, rozilik va minnatdorchilikda ham qo‘llaniladi.

8.  Braziliyaliklar shaxsiy biznesini ochsa, albatta, faoliyatini o‘z ismi bilan nomlaydi. Masalan, “Alan Souzning ko‘chmas mulk agentligi”, “Vitor Oliveyraning do‘koni” kabi. 

9.  Braziliya jamoat transportida nafaqat yoshi ulug‘, homilador, bolali yo‘lovchilarga, balki ortiqcha vaznli kishilarga ham joy beriladi. Ayrim vagonlarda semiz kishilar uchun maxsus o‘rindiqlar mavjud. 

10.  Braziliyadagi shoshilinch tibbiy yordam markazlari xizmatlaridan har kim bepul foydalanishi mumkin. Hatto, sayyohlar, mehmonlar ham bepul emlanadi.
Foto
11.  Braziliyada quyosh botishini qarsaklar bilan qutlash odati bor.

12.  Braziliyaliklar o‘z tashqi ko‘rinishlariga juda katta e’tibor qilishadi, shuning uchun aholining ko‘pchiligi sport bilan shug‘ullanadi. Ayniqsa, tishga va tabassumga alohida urg‘u berishadi. Har bir ovqatlanishdan keyin, albatta, tish yuviladi va tish cho‘tkasi sumkachada olib yuriladi.