“O‘zbekistonga salqin va nam havo massalari kirib kelishi davom etadi”, – deb xabar bermoqda “O‘zgidromet” 26–30-may kunlari uchun e’lon qilingan ob-havo prognozida.

Ma’lum qilinishicha, markaziy va sharqiy viloyatlar bo‘yicha ayrim joylarda vaqti-vaqti bilan qisqa muddatli yomg‘ir yog‘ishi, momaqaldiroq kuzatilishi mumkin. Respublika shimolida, janubida va cho‘l hududlarida asosan yog‘ingarchiliksiz ob-havo kuzatiladi. Xususan, 27-may kuni Qashqadaryo, Surxondaryo viloyatlari ba’zi joylarida qisqa muddatli yomg‘ir yog‘ishi kutilmoqda.

26-may kuni kunduzi havo harorati 27-32 daraja, ertaga 22-25 daraja, 28-30-mayda 25-30 daraja, ba’zi joylarda 32 darajagacha bo‘ladi.

Respublika bo‘yicha ba’zi joylarda shamol 13-18 metr/sekundgacha kuchayishi, chang-to‘zon bilan kuzatilishi mumkin. Tog‘oldi va tog‘li hududlarda vaqti-vaqti bilan qisqa muddatli yomg‘ir yog‘adi, momaqaldiroq bo‘ladi. Sel-suv toshqini xavfi bor.

Toshkentda 26-may kuni harorat 29-31 daraja bo‘ladi. 27-mayda asosan yog‘ingarchiliksiz ob-havo kuzatiladi, faqat kechga tomon qisqa muddatli yomg‘ir yog‘ishi, momaqaldiroq bo‘lishi mumkin. Harorat 23-25 daraja bo‘ladi.

28-may, chorshanba kuni kechasi va ertalab qisqa muddatli yomg‘ir yog‘ishi mumkin. Harorat 28-30 daraja bo‘ladi. 29—30-may kunlari asosan yog‘ingarchiliksiz ob-havo kuzatiladi, faqat 29-mayda kechga tomon, 30-mayda kechasi va ertalab qisqa muddatli yomg‘ir yog‘ishi, momaqaldiroq bo‘lishi mumkin.

Shamol vaqti-vaqti bilan 12-14 metr/sekundgacha kuchayadi, ba’zi joylarda chang-to‘zon bilan kuzatiladi.

• Ob-havo
• O‘zgidromet
• yomg‘ir