“Parhez tutayotganimga ancha-muncha vaqt bo‘ldi. Lekin negadir sira natijasi bilinmayapti. Har kungi yugurish, sport mashg‘ulotlari, qat'iy o‘rnatilgan parhezli hayot… Ammo barchasi bekordek…” 

Ha, sizning ham hayolingizdan shu kabi o‘y-fikrlar o‘tayotgan bo‘lsa ajab emas. Ho‘sh, ozishga qaratilgan bu kabi qoidalarga to‘liq amal qilishinigizga qaramasdan nega hanuz og‘irliginigizda hech qanday o‘zgarish sezilmayapti?

Buning sababi oddiy. Qanday deysizmi? Sizga ushbu holatning to‘qqizta sababini keltirib o‘tamiz. 

Birinchi sabab:

Siz oldingidan ko‘proq ovqat tanovul qilayapsiz.

Ha, ha. Ishonavering, hayron ham qolmang. Garchi bu g‘alati tuyulsa-da, parhezli taomlarni iste'mol qilishni boshlaganingizdan beri, siz ko‘p ovqat tanovul qilayapsiz.  

Birinchidan, garchi semirtiradigan, ko‘p yog‘li taomlar va bug‘doyli mahsulotlardan voz kechgan bo‘lsangiz-da, siz parhezli taomlarni keragidan ortiq iste'mol qilyapsiz. “Nima farqi bor, axir bu mahsulotlar semirtirmaydiku”, degan xato fikrni miyangizdan chiqarib tashlang. Unutmang, kaloriyasi kam taom bo‘lsa-da, uning miqdoriga doimo e'tiborli bo‘ling. 

Ikkinchidan, sport bilan shug‘ullanish kishi ishtahasini ochadi, o‘z-o‘zidan qarabsizki, bu keragidan ortiq taom iste'mol qilishga olib keladi.  

Ikkinchi sabab: 

Sizning ruhiy holatingizda kamchiliklar bor

Balki bu gap sizga g‘alati eshitilishi mumkin, ammo aslida shunday. O‘zingiz uchun sevimli taomlardan voz kechganingizdan so‘ng, oshqozon doimo sizdan ushbu mahsulotlarni yeyishingizni kutadi. Qarabsizki, bu miyaga to‘g‘ridan-to‘g‘ri to‘lqinlarni uzatadi. Bundan tashqari ozish uchun tinmay mashg‘ulotlarda qatnashib, nafaqat jismoniy balki, ruhiy jihatdan ham toliqasiz. O‘z-o‘zidan sizda stress holati paydo bo‘ladi.

Bu tavsiya balki xatodir, ammo bir kun, ming kun emas. Bundan tashqari yoga va issiq vanna qilish ham tushkunlikni yengadi.  Ammo tushkunlik kayfiyatingizga ishdagi muammolar, oilaviy kelishmovchiliklar, iqtisodiy beqarorliklar sabab bo‘lsa, unda bu muammolarga yechim topilmaguncha, stress holatidan chiqib ketolmaysiz. 

Uchinchi sabab: 

Ozishni haddan ortiq istaysiz

Gaplarim balki yana g‘alati tuyilishi mumkin. Tan olaman, ammo juda kuchli istak ham, orzuni amalga oshishiga ba'zan halaqit beradi…

To‘rtinchi sabab:

Juda kam uxlaysiz

Har qanday mashg‘ulot, har qanday ovqatlanish tartibida ham inson organizmi o‘rtacha uyquni olishi kerakligi belgilangan. Agar kam uxlasangiz, bu yana sizdagi stress holatiga sabab bo‘ladi, bundan tashqari kam uyqu ishtahani ochadi va sizda juda yog‘li yoki juda shirin narsalarni yeb qo‘yish istagi paydo bo‘ladi. 

Uchinchidan, parhezni vaqtida amalga oshirish va mashg‘ulotlarni o‘tkazib yubormaslik uchun o‘zingizdagi kuchni aynan to‘yingan uyqudan olasiz, buni unutmang. 

Beshinchi sabab:

Organizmda ortiqcha narsalar yig‘ilgan

Buni hech hayratlanarli joyi yo‘q. To‘g‘rida, zamon bilan hamnafaslik, deyiladi bu. Ammo bu siz uchun juda zarar ekanligini bilasizmi? Kunlik kosmetika vositalari, gazli va turli bo‘yoqdor ichimliklar, tamaki vositalari, spirtli ichimliklar, turli kimyoviy moddalari bor mahsulotlar tanovul qilasiz, shularning barchasi inson organizmi uchun zarar. Endi, tasavvur qiling, tanangiz shuncha og‘ir yukni ko‘tarishi kerak. 

Oltinchi sabab: 

Toza ichimlik suvini kam miqdorda ichasiz

Organizmingizni doimo toza suv bilan ta'minlang. Suvsizlangan organizmda modda almashinuvi qiyin kechadi. Buning ustiga organizmdagi ortiqcha yog‘ va keraksiz moddalar aynan suv orqali chiqib ketishi barchaga ma'lum. 

Yettinchi sabab:

Siz juda tez ovqat yeysiz

Sizga shunday savol, “Bir kunda necha mahal ovqatlanasiz?” Ha, albatta, doimiy javob bitta: kuniga 5-6 marta ovqatlanish kerak. To‘g‘ri ammo siz mana shu 5-6 mahalda juda ko‘p ovqat yeysiz. Bilasizki, taomga qo‘l urganda ishtaha yanada ochiladi, demak siz tushlikda ham yaxshi ovqatlanasiz, kunning ikkinchi yarmida ham oshqozoningizni xafa qilib qo‘ymaysiz. 

Sakkizinchi sabab:

Sizda ozish uchun arzirli sabab yo‘q

“Chiroyli ko‘ylak sig‘ishi uchun” yoki kimgadir o‘xshash uchun ozishga harakat qilish sizga to‘g‘ri kelmaydi. Siz uchun eng yaqin do‘stingiz mazali shirinlik taklif etsa, qay birini tanlagan bo‘lardingiz? Do‘stingizni mehmondo‘stligi yoki chiroyli ko‘ylak? Albatta, bu vaziyatda do‘stingizni saxiyligini qabul qiling. O‘sha chiroyli ko‘ylakka sig‘masangiz, sig‘mabsiz. 

Ammo arziguli sabab bo‘lsa, bu yo‘lda chin ko‘ngildan harakat qiling. Ammo shuncha kilogrammga ozishim kerak, degan fikrni hayolingizdan o‘chirib tashlang. Agar sizga ozish emas, ozish yo‘lidagi harakatlar yoqsa va bu jarayondan zavq olsangiz, ishoning, qanday qilib ortiqcha vazndan xalos bo‘lganingizni sezmay qolasiz.  

To‘qqizinchi sabab:

“Endi ozishdan boshqa ilojim yo‘q!”, degan xato fikr borligi! 

Ha, ha! Hamma narsaning ham chegarasi bor. Agar sizning dugonangiz 180 sm. bo‘y uzunligi bilan 50 kilogramm og‘irlikka ega ekan, bu siz ham aynan mana shuncha og‘irlikka ega bo‘lishingiz kerak degani emas. Chunki ayrim ko‘rinishi yaxshi insonlar ham ozishga harakat qilishidan odamning kulgisi qistaydi. Aksincha, ular orasida semirishi kerak bo‘lganlari ham bor. 

XABARDOR.UZ / Sevarabegim