Bugun, 17-may kuni, futbol olamining e’tibori Londonning mashhur “Wembley” stadioniga qaratilgan. Sababi, aynan ushbu o‘yingohda Angliya kubogi finali bo‘lib o‘tadi. Chempionlik uchun “Man Siti” va “Kristal Pelas” kurash olib boradi.

“Shaharliklar” uchun bu final alohida ahamiyatga ega. So‘nggi yillardagi yorqin yutuqlarga qaramay, joriy mavsumda Pep Gvardiola shogirdlari APLda yetakchilikni boy berib qo‘ydi, YeChLda esa yurishini erta tugatdi. Bu final — mavsumni sovrinsiz yakunlamaslik uchun so‘nggi imkon. Gvardiola uni “mavsum taqdiri hal bo‘ladigan lahza” deb atadi.

Bu musobaqa finaliga uchinchi bor chiqqan “Kristal Pelas”da ham Angliya kubogini yutish uchun katta motivatsiya mavjud. Chunki, jamoa 1990 va 2016-yillardagi finalda mag‘lubiyatga uchragan. Bu safar murabbiy Oliver Glasner boshchiligida jamoa tarix yozishga harakat qiladi.

Statistik ma’lumotlarga qaraganda, jamoalar umumiy 29 uchrashuv o‘tkazishgan va shundan “Man Siti” 21 bora g‘alaba qozongan bo‘lsa, “Kristal Pelas”da g‘alabalar soni 3 ta yana 5 bahsda tomonlar murosa ko‘chasini tanlashgan.

Uchrashuv Toshkent vaqti bilan soat 20:30 da start oladi.

Ma’lumot uchun, “Manchester Siti” o‘tgan mavsum Angliya kubogi finalida hamshaharlari “Man Yunayted”ga imkoniyatni boy berib qo‘ygan edi.

• Angliya
• Futbol
• Manchester Siti