Rassomlar, musiqachilar va shunchaki ishini samarali tashkil qilmoqchi bo‘lganlar uchun ajoyib gadjetlar bilan tanishamiz.

1.  Qo‘shimcha klaviatura

2.  Simsiz fleshka

3.  Qog‘ozda rasm chizish uchun planshet

Grafik planshet – rassomlar va dizaynerlar uchun juda qulay ashyo, ammo naqshlarni, chizmalarni va suratlarni qog‘ozga tushirish ko‘pchilikka yoqadi. 
Wacom kompaniyasi tabiiylik va elektronikani uyg‘unlashtirishga harakat qildi: natijada Intuos Pro Paper Edition plansheti hosil bo‘ldi. U mana bunday ishlaydi: siz qog‘ozni  planshetga joylashtirasiz va o‘rganganingiz kabi chizasiz, qurilma esa natijani kompyuter ekranidagi tasvirga aylantirib beradi. Gadjetda istalgan turdagi qog‘ozni ishlatish mumkin, maxsus qalam esa to‘plam ichida bo‘ladi. 

4.  Individual quyosh batareyasi

Ochiq ob-havoda smartfon, quloqchin va aqlli soat singari kam quvvatli gadjetlarni quyosh batareyalari yordamida quvvatlantirishimiz mumkin. Turli brendlar turli yechimlar taklif qilishmoqda: “Samsonite” derazalar uchun so‘rg‘ichli akkumulyatorlar ishlab chiqarmoqda, ularni ofisga yoki uyga o‘rnatish mumkin. Yolk’dan “Solar Paper” modulli quyosh panelini osongina ryukzakka ildirib, o‘zingiz bilan olib yurishingiz mumkin. 

5.  Rang aniqlovchi kompakt qurilma

Nix Sensor – kalitlar uchun jevak(brelok)ning kattaligidagi gadjet bo‘lib, har qanday yuzaning rangini aniqlaydi va RGB analiz natijasini smartfonga yuboradi. Uni devor uchun bo‘yoq tanlayotganda ishlatish mumkin (o‘chib borayotgan bo‘yoq bilan aynan bir tusda bo‘lishi uchun) yoki yoqimli ranglarni eslab qolib, garderobni yangilash vaqtida foydalanish mumkin. Bu gadjetning amaliy vazifalari unchalik ko‘p emas, ammo u grafika bilan ishlovchi va atrof olamdan ilhom qidiruvchilar uchun juda asqatadi. 

6.  Stol robot-manipulyatori

Agar o‘z qo‘lingiz bilan nimanidir yaratishni yaxshi ko‘rsangiz, Hexbot’dan ko‘p funksiyali robotlashtirilgan qo‘l sizga albatta ma’qul bo‘ladi. Shunchaki mos modulni tanlaysiz va kompyuterdagi programmaga buyruq berasiz.  Manipulyator lazer yordamida o'yma naqshlar qiladi, chizadi, 3-D printer kabi ishlaydi va so‘rg‘ichli nasadka bilan predmetlarni joyidan siljita oladi. 

7.  Gitara uchun elektron kamoncha

Klassik kamoncha odatiy elektogitarani chalish uchun to‘g‘ri kelmaydi, ammo tadqiqotchilar o‘xshash tovushni chiqara olish yo‘lini topishdi. Aeon String Sustainer yoki EBow elektron kamonchalari orqali mediator torga tekkanidan keyin ham, ancha vaqt gitara tovushi o‘chmaydi. Odatda qurilmani qo‘shimcha effektlar bilan birga qo‘llashadi. 

8.  Onlayn translyatsiyalar uchun miksher

Roland – musiqa asboblari va qurilmalari bozorida veteran bo‘lib, hozir ham aktual qurilmalar ishlab chiqaradi. 
Bunday gadjetlardan biri blogerlar va musiqachilar uchun ko‘p funksiyali VR-1HD miksheridir, uning yordamida bir kishining o‘zi rakurs va audioyo‘lakchakarni almashtirib professional translyatsiyalar o‘tkazish mumkin. Pultning maxsus ovozli effektlari, shuningdek, turli video-manbalarning kadrlarini tartiblovchi modellari bor.

9.  Noutbuk uchun qo‘shimcha ekran

Packed pixels – planshetlarni eslatuvchi ikkita display hamda ularni noutbuk ekranining ikki yonboshiga biriktiruvchi kronshteyndan iborat. 
Butun qurilma ryukzakda kompyuterdan ham kamroq joyni egallaydi. Yo‘lda ko‘p bo‘lsangiz va bir nechta monitor bilan ishlashga ko‘nikkan bo‘lsangiz, Packed Pixels sizga qo‘l keladi. 

10.  Samaradorlik uchun vaqt hisoblagichi

Saent – vaqt oralig‘ini hisobgich bo‘lib, stol usti tugmachasidan iborat. Ishlab chiqaruvchilar Pomodoro texnikasidan ilhomlanishgan: tugmacha ish uchun 25 daqiqali intervallarni qayd etadi va ularni 5 daqiqali tanaffuslar bilan almashtiradi. Saent – Windows va macOS uchun maxsus dastur bilan birga ishlaydi, bu dastur sizni 25 daqiqa davomida chalg‘itishi mumkin bo‘lgan saytlar va ilovalarni bloklaydi.