Машҳурлик чўққисига чиққан ДВД дисклар даврни эслайсизми? Бундай кейин ихчам флешка ва хардлар оммалашиб кетган бўлсада ҳали ҳам уйларимизда ДВД дисклар сақланиб қолган.

Агар биз сизга DVD дискларнинг замони қайтмоқда десак ишинасизми? Хитойда олимлар 15 000 DVDнинг имкониятига эга, 200 ТБ маълумотни ўзига сиғдира оладиган оптик диск яратганлигини маълум қилди.
Тасаввур қилинг: барча мусиқаларингиз, фильмларингиз, ўйинларингиз, фотосуратларингиз ва ҳужжатларингиз - барчаси битта кичик дискда жамланади.

Бунинг сири кўп қатламли тузилишда. Диск 100 та оптик қатламдан иборат бўлиб, уларнинг ҳар бири ахборотни сақлаши мумкин. Таққослаш учун, оддий DVD фақат битта қатламга эга. Маълумотни ёзиб олиш ва ўқиш учун фемтосекундли лазер ишлатилади.

Бироқ ёзиш ва ўқиш тезлиги ҳали ҳам паст. Шунингдек, бундай дискларни ўқийдиган қурилма тўлиқ ишлаб чиқарилмаган.

Шундай бўлсада, ким билади бир неча йилдан сўнг ҳар бир инсоннинг қўлида 200 терабайтлик дисклар бўлса ажаб эмас.

• Инновация
• Кашфиёт