“Тошшаҳартрансхизмат” АЖ ахборот хизмати Тошкент шаҳрида Иқтисодий ҳамкорлик ташкилотининг 16-саммитини ўтказиш ишлари доирасида 2023 йил 8-10-ноябргача айрим кўча йўл тармоқларида автомобиллар ҳаракати чекланиши сабабли, автобус йўналишларининг фаолиятига қуйидагича ўзгартиришлар киритилганини эълон қилди.

Ислом Каримов кўчасининг Фурқат кўчасидан Олмазор кўчасигача бўлган қисми автомобиллар ҳаракати учун тўлиқ ёпилиши сабабли, ушбу манзил орқали ҳаракатланувчи:

51-сонли йўналиш ҳаракати И.Каримов кўчасидан Афросиёб, Бешёғоч, Фурқат кўчалари орқали вақтинчалик ўзгартирилади;
141-сонли йўналиш ҳаракати Қоратош кўчасидан Фурқат, А.Навоий, Олмазор кўчалари орқали вақтинчалик ўзгартирилади;
196-сонли йўналиш ҳаракати Афросиёб кўчасидан Бешёғоч, Фурқат, А.Навоий кўчалари орқали, кейинги ҳаракати ўз йўналиши бўйича ташкил этилишини маълум қиламиз, дейилган хабарда.

• Автомобил
• Маҳалла
• harakat
• саммит