Хитойда нафақахўр аёл қариялар уйидан икки метрлик панжарани босиб ўтиб, қочиб кетган. Бу ҳақда “Тhе Straits Times” хабар берди.

Қайд этилишича, Шандун провинциясида яшовчи 92 ёшли аёл қариялар уйида қолишни истамай, қочиб кетган. Воқеа эса видеокузатув камераларига тушиб қолган. Видеода бўйи бор-йўғи 1,6 метр бўлган нафақахўр эпчиллик билан тўсиқни енгиб ўтган. Унинг қочиши учун эса 24 сония вақт кетган. Видео ижтимоий тармоқларда тарқалди ва 4 июлдан буён 1,2 миллиондан ортиқ кўрилган. Аёл қочиб кетган қариялар уйи директорининг айтишича, у қочиб кетганидан кўп ўтмай худди шу ҳудудда топилган. Унинг сўзларига кўра, кекса аёл Альцгеймер касаллигидан азият чекади. Шунингдек, у илгари қояга кўтарилиш ва фитнес билан шуғулланган.

• Хитой
• qariya