Сунъий интеллект (SI) билан шуғулланувчи компаниялар акцияларининг қимматлашуви ҳамда бу соҳага сармояларнинг кўпайиши сабабли янги миллиардерлар пайдо бўлди. Форбес маълумотига кўра, 2023 йилда миллиардерлар рўйхатига 9 нафар топ-менежер қўшилди, ҳаммаси сунъий интеллект билан бевосита ва билвосита шуғулланувчилар.

1. Чарлз Лян, Супер Мисро Сомпутер, $6,1 млрд
Чарлз Лян Супер Мисро Сомпутер асосчиларидан саналади, компания ИТ-инфратузилмалар яратади. Компанияга қарашли серверлар ва тизимлардан СИ ва булутли сервисларга ихтисослашган компаниялар фаол фойдаланмоқда. 2023-молиявий йилда Супер Мисро Сомпутер рекорд — $7 млрд даромад олди, акциялари эса 1100 фоиздан кўпроқ қимматлашди.

2. Квак Дон Шин, Ҳанми Семисондустор, $2,9 млрд
Квак Дон Шин 1980 йилда асос солинган Ҳанми Семисондустор компаниясини бошқаради. Компания чиплар учун бутловчи қисмлар чиқаради. Асосий мижозлари — Самсунг Элестронисс ва СК Ҳйних каби таниқли брендлар. СИ шарофати билан 2023 йилда Ҳанми Семисондустор акциялари қиймати 560 фоизга яхшиланди.

3. Сюнсаку Сагами, брокерлик фаолияти, $1,9 млрд
Сюнсаку Сагами — институт раҳбари. Бу институт тадқиқотлари компанияларнинг бирикиши ва сотиб олинишини ўрганишдан иборат. Институт салоҳиятли харидорларни ахтаришда сунъий интеллектдан фойдаланади. Сагами нетворкингчи — тадбиркор кичик ва ўрта бизнес вакиллари ўртасида воситачилик қилади.

4. Иван Чжао, Нотион, $1,5 млрд
Нотион асосчиларидан бири ва бош директори Иван Чжао пулларини сунъий интеллектга тикиб адашмади. 2015 йилда ҳамма ходимларини бўшатиб юбориб, Сан-Франсискодаги офисини ижара (субаренда)га берди ва Японияга кўчиб ўтди. Форбес баҳолашича, Нотион компанияси нархи $5 млрд, Иван Чжао бойлиги $1,5 млрдга етган.

5. Бретт Адкок, Фиг, $1,4 млрд
Бретт Адкок — Fig компанияси асосчиси ва раҳбари. Fig сунъий интеллектга асосланган “умумий фойдаланиш учун гуманоид” (одамсимон робот) яратиш билан банд. Адкок $2,6 млрдга баҳоланаётган компаниянинг тахминан 50 фоиз акцияларига эгалик қилади. 2024 йил февралида Fig Жефф Безос, Мисрософт, Нвидиа ва OpenAi'дан $675 млн сармоя жалб қилди.

6. Лиза Су, Адвансед Мисро Девисес (АМD), $1,3 млрд
Лиза Су 2014 йилда раҳбарликка келганидан буён Адвансед Мисро Девисес акциялари 60 каррадан кўпроқ қимматлашди. Бежизга уни “микрочиплар қироличаси” дейишмайди. Компания СИ соҳаси учун яримўтказгичлар чиқаради.

7. Мишел Затлин, Cloudflare, $1,2 млрд
Cloudflare компанияси амалиётлар директори Мишел Затлин мижозларни ҳимоялаш ва кибертаҳдидларнинг олдини олиш учун сунъий интеллект имкониятларидан фойдаланмоқда. Унинг компанияси дастурлаш соҳаси мутахассисларига ўз сунъий интеллект моделларини яратиш учун хавфсиз булутли муҳит тақдим этиб келмоқда. Cloudflare акциялари 2023 йилда 65 фоиз қимматлашди, компаниянинг атиги 2 фоиз акциясига эга Затлин Форбес миллиардерлари рейтингига кирди.

8. Сем Альтман, OpenAi, $1 млрд
Сем Альтман — ОpenAi бош директори. 2022 йилда у ChatGPT чат-ботини ишга тушириб, чин маънода сунъий интеллект соҳасида инқилоб ясади. Нега сунъий интеллект соҳасининг энг таниқли кишиси соҳа миллиардерлари орасида атиги 8-ўринда, деган савол туғилади. Жавоби шуки, Сем Альтман $80 млрддан қимматроққа баҳоланувчи OpenAi компаниясининг биронтаям акциясига эга эмас.

Нашр маълумотига кўра, Альтман $1 млрд.ни 2014 йилдан 2019 йилгача Й Сомбинатор стартапини бошқариб қўлга киритган бўлиши мумкин. Қолаверса, унинг қўлида Реддит, Стрипе ҳамда ядровий синтез билан шуғулланувчи Ҳелион стартапи акциялари бор. Time журнали Сем Альтманни йил бош директори дея эътироф этганди.

9. Ҳарви Жонс, Нвидиа, $1 млрд
Ҳарви Жонс — сармоядор ва тадбиркор, Нвидиа таъсисчилари кенгаши аъзоси. Компания акциялари энг йирик бенефициарларидан биридир. Унинг бойлиги ҳам $1 млрд.

• Forbes
• миллиардерлар