Эроннинг собиқ валиаҳд шаҳзодаси Ризо Паҳлавий Эрон халқига мурожаат йўллаб, мамлакат учун ҳал қилувчи лаҳзалар келганини таъкидлади.

Унинг сўзларига кўра, АҚШ президенти ваъда қилган ёрдам етиб келган ва бу “гуманитар аралашув” бўлиб, у Эрон халқи ёки мамлакатига эмас, балки Ислом Республикаси тузуми ва репрессия аппаратига қарши қаратилган.

Паҳлавий мурожаатида ҳарбийлар, полиция ва хавфсизлик ходимларига юзланиб, уларнинг қасамёди Эрондаги ҳукмрон режимни эмас, унинг халқини ҳимоя қилишга қаратилганини эслатди. Паҳлавий куч тузилмаларини халқ томонида туриб, барқарор ва хавфсиз ўтиш жараёнини таъминлашга ёрдам беришга чақирган.

Шунингдек, у Хоманаий ва унинг тузумига ишора қилиб, режим билан бирга қолганлар унинг “чўкаётган кемаси” билан бирга ғарқ бўлишини таъкидлаган.

• Eron
• Мурожаат