Янги Зеландия қирғоқлари яқинида қайиғидан ҳеч қандай ҳимоя кийимларисиз сувга тушиб кетган балиқчи мўжиза орқали омон қолди. У қайиғига етолмай қолган ва оролдан 55 километр узоқликда бир суткага яқин қолиб кетган.

Энг даҳшатлиси унинг ёнига йиртқич акула келган. Балиқчининг атрофида анча вақт айланган йиртқичнинг қорни оч бўлмаганми, уни емасликка қарор қилган. Орадан анча вақт ўтгач, шу яқин атрофдан яна бир балиқчилар кемаси сузиб ўтган ва чўкиб кетиш арафасида турган Франсни қўл соатининг товланиши орқали пайқаб қолишган.

Балиқчининг айтишгича, у жуда омадли. Чунки бир суткага яқин сувда омон қолиш ҳамда акула ҳужумига учрамаслик Янги Зеландия тарихида рўй бермаган.

• Akula
• Ороль денгизи