Қатарнинг Al-Jazira телеканали 16 декабрь куни Ғазо сектори жанубида оператори Самер Абудакнинг ўлими бўйича Халқаро жиноий судга мурожаат қилишни режалаштираётганини маълум қилди.

“Биз операторимизнинг ўлдирилиши бўйича ишни зудлик билан Халқаро жиноий судга топширишга қарор қилдик”, дейилади телеканал баёнотида.

Бундан ташқари, Al-Jazira вакиллари ишни ICCга топширишга тайёргарлик кўриш учун канал ходимлари ва адвокатлардан иборат гуруҳ тузилганини таъкидлади.

Шунингдек, журналистларнинг қўшимча қилишича, Абудак яраланганидан кейин беш соатдан кўпроқ қон кетган, чунки Исроил кучлари тез ёрдам ва қутқарувчиларнинг унга етиб боришига ва тез ёрдам кўрсатишига йўл қўймаган.

“Ушбу қотилликларнинг барчасини баҳолаш учун бизга халқаро мустақил терговлар керак ва айбдорлар жавобгарликка тортилиши керак. Шуни эсда тутиш керакки, журналистлар халқаро гуманитар ҳуқуққа кўра, тинч фуқаролардир ва уларни ҳимоя қилиш урушда қатнашаётган барча томонларнинг бурчидир”, – деди Журналистларни ҳимоя қилиш қўмитаси (СПЖ) вакили Карлос Мартинес де ла Серна.

• Isroil
• Қатар
• Халқаро жиноят суди