АҚШ ҳукумати Украинага янги ҳарбий ёрдам пакетини ажратмоқчи. Бу ҳақда Оқ уй миллий хавфсизлик кенгашининг стратегик коммуникациялар бўйича координатори жон Кирби маълум қилди.
“Бугун сизга айтадиган ҳеч нарсам йўқ, лекин келгуси ҳафталарда Украинага янги ҳарбий ёрдам пакетларини ажратишда давом этишимизни кўрасиз”, – деган Кирби.
Аввалроқ, хорижий оммавий ахборот воситалари АҚШ маъмурияти Украинага узоқ масофали ракеталарни етказиб бериш масаласини кўриб чиқаётгани ҳақида хабар берган эди. Гап АҚШнинг тўртинчи авлод қирувчи самолётларидан 300 км.дан ортиқ масофада учирилиши мумкин бўлган ҳаво қуроллари — JASSM ракеталари ҳақида кетмоқда.
Яқинда АҚШ Украинага 125 миллион долларлик 63-ҳарбий ёрдам пакетини ажратган эди. Вашингтон Киевга HIMARS ракета тизимлари учун ўқ-дориларни, 155 мм ва 105 мм калибрли артиллерия снарядларини, Stinger портатив Зенит ракета тизимларини, АТ-4, TOW ва Javelin танкга қарши ракета тизимларини топширган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!