АҚШ ҳарбий-денгиз кучлари вазири Карлос дел Торо агар Америка ҳарбий-саноат мажмуаси (MIC) ишлаб чиқариш ҳажмини ошира олмаса, тахминан бир йил ичида Украинага қурол етказиб беришни давом эттириш Қўшма Штатлар учун муаммога айланади. Бу ҳақда Торо журналистларга берган интервьюсида айтиб ўтган.

“Агар можаро яна олти ойдан бир йилгача бўлган муддатда давом этса, у ҳолда, албатта, таъминот занжирига қийинчилик туғдиради. Ҳозирда АҚШ Мудофаа вазирлиги Ҳарбий-саноат комплекси билан яқиндан ҳамкорлик қилиб, ундан ишлаб чиқариш ҳажмини кенгайтириш ва йўлдаги тўсиқларни бартараф этишга интилмоқда”, – дейди Торо.

Унинг таъкидлашича, Пентагон раҳбариятининг икки вакили бир вақтнинг ўзида бу билан боғлиқ муаммоларни ҳал қилмоқда. Бундай иш билан Мудофаа вазирининг биринчи ўринбосари Кетлин Хикс ҳамда вазирнинг харидлар ва логистика бўйича ўринбосари Билл ла Планте шуғулланмоқда.

Унинг сўзларига кўра, Америка ҳарбий-саноат мажмуаси инсон ресурсларини ривожлантиришга, асосий фондларга сармоя киритиши керак, бу қарорлар компанияларнинг ўзида, “ишлаб чиқариш суръатини ошириш учун” қабул қилиниши керак.

“Бу содир бўлганда, биз яхши ҳолатда бўламиз. Бу қанча вақт олади, кўпинча қайси қурол тизими ҳақида гап кетаётганига боғлиқ”, – дея қўшимча қилди денгиз флоти вазири. У Америка ноҳукумат ер усти денгиз кучлари ассоциацияси томонидан ўтказилган конференция доирасида журналистларнинг саволларига жавоб берди.

Қайд этиш мумкин, дел Торо АҚШ ҳарбий-денгиз кучларининг фуқаролик тараққиёти координатори бўлиб, АҚШ Қуролли Кучларининг бошқа бўлими – денгиз пиёдалари корпусини бошқаради, лекин президент кабинетининг аъзоси эмас ва Пентагон раҳбари Ллойд Остинга ҳисобот беради.

• АҚШ
• Мудофаа
• Pentagon
• Россия
• Украина