“Янги санкциялар рўйхатига “Газпром нефть”, “Сургутнефтегаз” ва уларнинг ўнлаб шўба корхоналари киритилди. Рўйхатдан, шунингдек, 183 та нефть танкери жой олган, уларнинг кўпчилиги “соя флоти” таркибига киради”, – дейди АҚШ Молия вазирлиги ўз баёнотида.

Шунингдек, “соя флоти” кемаларини суғурталашда иштирок этгани учун “Ингосстрах” ва “Алфатраховка” суғурта компанияларига қарши санкциялар жорий қилинган.

Рўйхатга Россиянинг 30 дан ортиқ нефть-сервис компаниялари, жумладан “Ачимгаз”, “Газпром шелфпроект”, “Oil Service Garant”, шунингдек, Россия билан боғлиқ бўлган дунёнинг турли нуқталаридан ўнлаб компаниялар ва шахслар киритилган.

Шахсий санкцияларга “Газпром нефть” раҳбари Александр Дюков, “Лукойл” асосчисининг ўғли Юсуф Алекперов, “Лукойл” бош директори Вадим Воробев, “Сургутнефтегаз” бош директори Владимир Богданов ва бошқалар киради.

Буюк Британия Ташқи ишлар вазирлиги ҳам “Газпром нефть” ва “Сургутнефтегаз” компанияларига қарши санкциялар жорий этилганини эълон қилган. Маълумотларга кўра, компаниялар бир кунда 1 миллион баррелдан ортиқ нефть қазиб олади ва уларнинг йиллик даромадлари тахминан 23 миллиард долларни ташкил этади.

• АҚШ
• Буюк Британия
• Россия
• Санкция
• нефть