Япония ва АҚШ ҳарбий-ҳаво кучлари 8 та қирувчи самолёт иштирокида Япон денгизи устида машғулотлар ўтказди. Бу ҳақида NHK телеканали Япония ҳарбий бошқармасига таяниб, хабар бермоқда. 

Машғулотларда Япониядан тўртта F-15 ҳарбий самолёти, АҚШдан эса тўртта F-16 қирувчи самолётлари иштирок этган. Таъкидланишича, ушбу ҳаракатлардан мақсад таҳдидларга зудлик билан жавоб қайтариш, шунингдек, япон-америка иттифоқини мустаҳкамлаш бўлган. 

“Ўз-ўзини мудофаа қилиш қўшинлари ва АҚШ ҳарбийлари мамлакатимиз мудофааси, минтақа тинчлиги ва барқарорлигини таъминлаш йўлида яқиндан ҳамкорлик қилади ва ҳар қандай кутилмаган вазиятларга доимо тайёр. Бундай машғулотлар орқали минтақада тинчлик ва барқарорликни таъминлашга фаол ҳисса қўшиш қобилияти ва истаги қўллаб-қувватланади ва мустаҳкамланади. Машқлар 25 май куни бўлиб ўтди. Уларда АҚШ ҳарбий-ҳаво кучларининг 4 та F-16 қирувчиси ва Япония ҳаво ўзини-ўзи мудофаа кучларининг 4 та F-15 қирувчи иштирок этди”, – дейилади хабарда.

• АҚШ
• Жаҳон
• Samolyot
• Япония