Салвадор АҚШ томонидан депортация қилинаётган ноқонуний муҳожирларни, шунингдек, зўравонлик жиноятлари учун судланган шахсларни қабул қилади ва уларни маҳаллий қамоқхонага жойлаштиради.

Салвадор президенти Найиб Букеле мамлакат Қўшма Штатларга ўзининг жазони ижро этиш муассасалари тизимининг бир қисмини фойдаланиш учун таклиф қилганини маълум қилган.

Маълум бўлишича, жиноятчи ва ноқонуний мигрантлар Салвадордаги 40 000 кишилик йирик қамоқхонага жойлаштирилиши мумкин.

“Ҳеч бир давлат бундай ишни қилмаган, лекин биз америкалик хавфли жиноятчиларни ўз қамоқхоналаримизда жойлаштиришни таклиф қилдик”, – дея изоҳ берган Салвадор президенти.

АҚШ Давлат департаменти баёнотига кўра, ҳозирда ноқонуний миграция тўлқинларига қарши курашиш бўйича бир қатор келишувлар имзоланган.

• АҚШ
• Қамоқхона
• Salvador
• migrant