The Washington Post хабарига кўра, Украина ҳарбийлари учун сўнгги ҳафталардаги асосий муаммо Россиянинг Шимолий Корея аскарларидан фойдаланиши бўлмоқда.

“Бу қўшинлар Россия артиллерияси ва учувчисиз самолётлари томонидан қўллаб-қувватланган ҳолда, катта гуруҳларда Украина позициялари томон ҳаракатланмоқда. Одатда кўзга ташланмаслик учун кичикроқ гуруҳларга бўлинган рус аскарларидан фарқли ўлароқ, Шимолий Корея жангчилари кўпинча уларнинг устида учиб юрган дронларга эътибор бермайдилар ва йўқотишларга қарамай олдинга силжишда давом этадилар. Россия қўшинлари муваффақиятларини мустаҳкамлаш учун тез-тез уларга эргашиб туради”, – деб ёзмоқда The Washington Post.

“Руслар бизнинг позицияларимизга ҳужум қилади ва йўқотишларга учрагандан сўнг, орқага чекинади. Аммо шимолий кореяликлар ундай эмас, улар олдинга силжишда давом этади”, – дея украиналик ҳарбийлар сўзини келтирмоқда нашр.

• Ҳарбий хизматчилар
• КХДР
• Россия
• Украина
• Уруш