Трампнинг Украина ва Россия бўйича махсус вакили Кит Келлог Reuters агентлигига берган интервьюсида Украинада уруш сабаб тўхтатилган президентлик ва парламент сайловларини ўтказиш зарурлигини айтди.

“Аксарият демократик мамлакатларда уруш вақтида ҳам сайловлар ўтказилади. Бу муҳим. Ўйлашимча, бу демократия учун фойдали”, – деган Келлог.

Аввалроқ, Трамп унинг маъмурияти Россия ва Украина ўртасидаги урушни тўхтатиш устида ишлаётганини айтган эди. Ҳозиргача АҚШ президенти ҳам, унинг махсус вакили ҳам урушни тугатиш бўйича стратегия тафсилотларини ошкор қилганича йўқ.

“Трамп администрацияси, шунингдек, аввал Украина ва Россия ўртасида сулҳга эришиш ва кейин тўлақонли тинчлик келишувини ишлаб чиқиш масаласини ҳам муҳокама қилмоқда. Агар Украинада президентлик сайлови ўтказилса, унда ғалаба қозонган шахс Москва билан узоқ муддатли келишув бўйича музокаралар олиб бориш учун масъул бўлиши мумкин”, – дея ёзмоқда Reuters.

• АҚШ
• Президент
• Украина
• saylov