Коронавирус пандемияси сабабли Австрияга хорижлик сайёҳларнинг киришига қўйилган чекловлар жорий йил 16 майдан бошлаб тўхтатилади. Бу ҳақда мамлакатнинг расмий туристик портали хабар бермоқда.

Маълум қилинишича, мамлакатга хориждан келаётган фуқаролардан энди эмлаш сертификати, инфекция сертификати ёки COVID-19 тестини тақдим этиш талаб этилмайди.

“16 майдан бошлаб Австрияга барча мамлакатлардан кирувчилар учун 3-G қоидаси (эмлаш, касаллик гувоҳномаси ёки салбий тестнинг мавжудлиги) олиб ташланади”, дейилади хабарда. 

Қайд этиш жоиз, апрел ойи бошида Австрия ҳукумати коронавирусга қарши чеклов чораларининг аксарият қисмини бекор қилган эди. Хусусан, жамоат жойлари, ресторанлар ва музейларга ташриф буюриш учун энди ниқоб синовига риоя қилиш ёки эмлаш сертификатини тақдим этиш шарт эмас.

• Австрия
• коронавирус
• тақиқ