“Барби” фильми нафақат Warner Bros. тарихидаги, балки 2023 йилдаги энг кўп даромад келтирган фильмга айланди. Картина бутун дунёда жами 1 миллиард 360 миллион доллар маблағ тўплади. Бу эса унга “Супер Марио” мультфильмидан ўзиб кетиш учун етарли бўлди. Анимация бу йил давомида 1 миллиард 359 миллион доллар ишлаб топган эди.

Катта эҳтимол билан “Барби” йилнинг энг даромадли фильми бўлиб қолади. Йилнинг қолган қисмида тақдим қилинадиган “Напалеон”, “Капитан Марвел-2” ҳамда “Ақуамен-2” фильмлари бундай натижага эришиши кутилмаяпти.

Маълумот учун, картина 2023 йилнинг 21 июл кунида “Оппенгеймер” фильми билан биргаликда премера қилинган эди.

• Кино
• Lifestyle
• қизиқарли