Бугунги кунга келиб, томошабинларда анимацион фильмлар фақат болалар учун деган фикр пайдо бўлган. Бунинг ўзига хос сабаби кўплаб мультфильмларнинг маъно ва мазмун жиҳатдан саёзлигидир. Аммо биз билган бир нечта мултфилмлар чуқур маънога эга бўлиб, нафақат болалар, катталар ҳам томоша қилиши тавсия этилади.

10. “Бошқотирма” (2015)

Мультфильмда ҳар бир инсон туйғуларининг ўрни беқиёслиги, кези келганда қайғу ҳам яхши воқеаларга сабаб бўлиши, оила ва дўстлар даврасида ҳиссиётнинг мавқейи кўрсатиб берилган. Анимациянинг бош директори  ҳамда муаллифи Пит Дектор ҳисобланади.

9. “Минионлар” (2015)

“Минионлар” “Яхши бўлиш осонми” мультфильмининг нафақат давоми, балки франшизанинг асосий анимацияларидан бири ҳисобланади. Мультфильмда минионлар кичик хизматкор мавжудодлар бўлиб, улар ёвуз одамга хизмат қилиш орқали ўзларини бахтли ҳис қилишади. Шунингдек, уларнинг қизиқарли саргузаштлари ҳам, ҳар қандай ёшдаги томошабинни қизиқтириб қўйиши табиий.

8. “Немони излаб” (2003)

“Немони излаб” - бу Немонинг отаси уни топиши ҳақидаги ҳикоя. Ушбу фильм таваккал қилиш, хавф-хатарга дуч келиш, хавфсиз ҳудудни тарк этиш ва ҳоказолар каби ҳақиқатда кучли ҳаётий сабоқларга тўла. Анимациянинг “Дорини излаб” номли давоми ҳам мавжуд. 

7. “Рататуй” (2007)

“Pixar studios”га тегишли ушбу мультфильмда ошпаз бўлишни орзу қилган каламуш ҳақида ҳикоя қилинади. Анимация француз таомларидан бирининг номи билан аталган. Бу мультфильмда қандай бўлишингдан қатъий назар, мақсадлар йўлида тўхтамаслик бош ғоя қилиб олинган.

6. “Қирол Шер” (1994)

Симба ҳақидаги эртак Шекспирнинг “Гамлет” пеьеасидан илҳомланиб ишланган. Мультфильм 1994 йилда  тақдим этилган. Анимацияни Роб Минкофф ва Рожер Аллерс бошқарган. Мультфильм ҳозирги кунгача барча ёшдаги томошабинлар учун қизиқарли дея эътироф этилади.

5. “Кунг-Фу Панда” (2008)

Ҳар бир инсон “Кунг-Фу Панда”ни ҳаракат ва ҳазил туфайли яхши кўради . Ушбу Америка фильми сизга Хитой фильмларидан кўра шарқ мамлакати ҳақида кўпроқ нарсаларни ўргатади. Анимациянинг бугунга қадар учта қисми тақдим этилди ва уларнинг барчаси томошабинлар томонидан илиқ қарши олинди.

4. “Валл-I” (2008)

Бу фильм чиқиндилар, ифлосланиш ва носталжи каби кўплаб тажриба ва муаммолар ҳақида гапиради. Фильмда асосий мақсади ташлаб кетилган барча чиқиндиларни тозалаш ва ерни яшашга яроқли ҳолга келтириш бўлган ёлғиз робот ҳақида ҳикоя қилинади.

3. “Ўргимчак одам: Ёндош оламлар” (2018)

Бугунги даврнинг ноёб анимацияси бўлган “Ўргимчак одам” франшизасининг илк мультфильми 2018 йилда экранларга чиққан. Фильм барча ўргимчак одамларни ёқтирадиган ва супер қаҳрамонга айланган Милес Моралес ҳақида.

2. “Ранго” (2011)

Бу мультфильм буқаламуннинг саёҳати ҳақида ҳикоя қилади. Унда қаҳрамон ҳайвонларнинг сувга бўлган эҳтиёжини қондириш учун ёрдам беради. Ушбу анимацион фильм ғайриоддий ҳазил , таъсирчан мусиқа, сатира ва ажойиб қаҳрамонлик каби бир қанча ижобий ҳислатларга эга.

1. “Молхона” (1954)

1954 йилги мультфильм машҳур ёзувчи Жорж Оруеллнинг энг яхши асарларидан бирига асосланган. Ҳикоя барча ҳайвонлар тенг бўлган жамиятда яшашни хоҳлайдиган қишлоқ хўжалиги ҳайвонларининг исёнчи гуруҳи ҳақида. Мультфильмда ўзига хос кулги, сатира ва жамиятдаги муаммолар ҳайвонлар орқали кўрсатилган.

• Lifestyle
• Мултфильм
• қизиқарли