«Барселона» ҳужумчи Лионел Мессини ортга қайтармоқчи.

Журналист Жерар Ромеронинг ёзишича, Ла Лигада улар «Барселона» Месси билан келишувга эришишига ишонишади.

Март ойи охирида «Барселона» Ла Лигага Мессининг қайтиши мумкин бўлган иқтисодий режани юборган. У Ла Лигага мос келмади, аммо тез орада Каталония клуби янги вариантни тақдим этади.

Маълум қилинишича, «Барселона»нинг маркетинг бўлими аллақачон Мессининг эҳтимолий қайтишига ҳозирлик кўрмоқда.

Ўз навбатида, Месси ПСЖ билан шартномани узайтириш таклифини рад этган.

Лионел Месси 2021 йилнинг ёзида текин трансфер орқали ПСЖ футболчисига айланган эди. Жамоа сафида ҳозиргача 68 та ўйинда майдонга тушган ҳужумчи 30 та гол урди ва 33 та голли узатмани амалга оширди.

• Барселона
• Футбол
• Месси