Беларус Республикасининг Ўзбекистон Республикасидаги Фавқулодда ва Мухтор элчиси Леонид Маринич Ўзбекистон спорт вазири Адҳам Икрамов билан учрашув ўтказди.

Учрашувда томонлар спорт соҳасидаги икки томонлама ҳамкорликнинг кенг кўламли масалаларини муҳокама қилдилар. Беларус элчиси Ўзбекистон спорт вазирига Беларус ташаббусларини қўллаб-қувватлагани учун миннатдорчилик билдирди.

Сўнгги йилларда Беларус ва Ўзбекистоннинг жисмоний тарбия ва спорт соҳасидаги муваффақиятли ҳамкорлигига алоҳида эътибор қаратилди.

Томонлар икки мамлакат спортчиларининг Беларус ва Ўзбекистонда ўтказиладиган қўшма ўқув-машқ йиғинларида ва халқаро мусобақаларда иштирок этишини ижобий баҳоладилар. Учрашув икки мамлакатнинг спорт соҳасидаги ҳамкорликни янада ривожлантиришга интилишини тасдиқлади.

• Беларусь
• Ўзбекистон
• Спорт