Америкалик поп-хонанда Беёнсе, унинг турмуш ўртоғи Жай-З, репер Биг Фреэдиа ҳамда Сонй Мусис овоз ёзиш студияси хорижда биринчи рақамли хитга айланган “ Break My Soul” номли қўшиғи муаллифлик ҳуқуқини бузганликда айбланмоқда.

Мазкур тарона Беёнсенинг 2022 йил июль ойида чиққан еттинчи альбомидан ўрин олган. Унда Биг Фреэдиа томонидан 2014 йилда чиқарилган “Explode” қўшиғи сўзлари ва ўхшаш мусиқий оҳанг мавжуд. Да Шовстоппаз гуруҳининг даъво қилишича, қўшиқда 2002 йилда чиққан “Release a Wiggle” трекидан парча ўғирланган. Америкалик реп қўшиқчиси Биг Фреэдиа қўшиқдаги парчадан ноқонуний фойдаланган.

Биг Фреэдиа ва Беёнсе муаллифлик ҳуқуқларини бузгани ҳақида хабардор қилинган, аммо хонандалар лицензия олишдан бош тортган. Эндиликда Да Шовстоппаз гуруҳи уларни ҳаммуаллиф сифатида рўйхатга олиш, етказилган зарарни қоплаш, шунингдек, қўшиқдан келадиган кейинги даромаднинг бир қисмини ўтказишни талаб қилмоқда.

Гуруҳ аъзоларининг сўзларига кўра, Беёнсе ва бошқалар бир нечта мукофотлар ва катта даромад олган бўлсада, Да Шовстоппаз ҳеч қандай эътироф, мукофот ва бирор моддий манфаат олмаган.

• Шоу-бизнес