Тошкентда “Ўзбекистон нефти ва гази” халқаро форуми доирасида Ўзбекистон бош вазири Абдулла Арипов ва Перм ўлкаси (Россия) губернатори Дмитрий Махонин ўртасида учрашув бўлиб ўтди.

Икки томонлама ҳамкорликни кенгайтириш, жумладан, саноат кооперацияси, энергетика, кимё саноати, қишлоқ хўжалиги, таълим каби соҳаларда муҳим қўшма лойиҳаларни амалга ошириш масалалари муҳокама қилинди.

Шунингдек, Ўзбекистон билан Перм вилояти ўртасидаги ишбилармонлик алоқаларини фаоллаштириш, хусусан, йирик ишлаб чиқариш корхоналари, илмий-тадқиқот муассасалари ва сармоявий ташкилотлар ўртасидаги ҳамкорликни мустаҳкамлаш муҳимлиги таъкидланди.

Форум доирасида ҳукумат раҳбари China Energy Engineering Corporation (CЕЭC) бош директори Ни Чжен билан ҳам учрашув ўтказди.

Томонлар электр энергияси ишлаб чиқариш, қайта тикланадиган энергия манбаларини ривожлантириш, замонавий муҳандислик ва қурилиш технологияларини жорий этиш бўйича ҳамкорлик истиқболларини атрофлича кўриб чиқдилар. Шунингдек, комплекс технологик объектларни қуриш, кадрлар тайёрлаш ва рақамлаштиришни кенгайтириш бўйича ҳамкорлик масалаларига ҳам алоҳида эътибор қаратилди.

• Бош вазир
• Ўзбекистон
• нефть