Айни пайтда Бухорода Қурилиш ва уй-жой коммунал хўжалиги вазири Б.Зокиров бошчилигида шаҳар марказида «Туризм шаҳарчаси» қурилиши юзасидан матбуот анжумани ўтказилмоқда.

Унда масъуллар, сектор раҳбарлари, журналист ва блогерлар ҳамда кенг жамоатчилик вакиллари иштирок этмоқда.

Маълум қилинишича, жамоатчилик орасида кўплаб эътирозларга сабаб бўлган, яқиндагина катта пул эвазига таъмирланган Бухоро марказий стадиони қачонки, янги стадион қуриб битказилмагунча бузилмайди.

Шунингдек, анжуманда Бухоро вилоят ҳокими Ботир Зарипов бузиладиган жойларда бирорта фуқаронинг яшаш жойи йўқлиги, уларнинг манфаатига зарар етмаслигини таъкидлаган.

«Вилоят ҳокимлиги биносига келсак, бизга бунча катта бинонинг кераги йўқ. Инвестор стадионнинг янгисини аввалгисидан яхши қуриб берганидан кейин бу масалани кўриб чиқамиз. Дарахтлар максимум сақлаб қолинади. 11 гектар жой яшил майдон бўлади. Албатта, булар фақат таклиф», — деди ҳоким.

• Бухоро
• Матбуот анжумани
• Қурилиш вазирлиги