Бугун сиз онлайн дастурлашни бепул ўрганишингиз мумкин. Дастурлашни ўрганиш жуда кўп пул талаб қилинадиган ва ҳамма ҳам бунга қодир бўлмайдиган вақтлар ўтди. Энди дастурлаш ва компьютер фанларини ўрганиш учун ҳамма учун очиқ сайтлар мавжуд. Улар орасида пуллик ва бепул дастурлаш курслари мавжуд.

Дастурлашни ўрганиш қандай имкониятлар беради?

· Сиз сайтларни яхшироқ бошқариш имкониятига эга бўласиз;
· Ўз лойиҳаларингиз учун алоҳида дастурчи керак бўлмайди;
· Иловалар, веб-сайтлар ва бошқа лойиҳаларни ўзингиз яратишингиз мумкин бўлади.

Кодлашни ўрганишингиз мумкин бўлган сайтлар:

1. “BitDegree” дастурлашдан тортиб ўйинларни ишлаб чиқишгача бўлган бир нечта бепул курсларни таклиф қилади. Курсларни ўрганишни бошлаш учун сиздан ўзингизга қулай бўлган тилни танлаш ва дарсларни бошлаш талаб этилади халос. Ушбу платформада сиз:

• HTML;
• CSS;
• PHP;
• Javascript;
• SQL;
• JQuery’ларни ўрганасиз.

“BitDegree” ўзига хос жиҳатларидан бири бу сиз ўрганиш жараёнида эришган муваффақиятлрингиз эвазига тақдирланасиз.

2. “Coursera” етакчи университетлар ўқитувчиларидан кодлаш курслари, ўқув қўлланмалари ва ресурсларини тақдим этади.  Ушбу курсларни яратиш учун улар олий таълим муассасаларининг энг яхши ўқитувчилари билан ҳамкорлик қилдилар. Бу шуни англатадики, сиз энг яхши ресурслардан фойдаланган ҳолда онлайн дастурлашни ўрганишингиз мумкин. Сайтдаги ҳар бир курс мутлақо бепул, лекин агар сиз сертификат олишни истасангиз, бунинг учун пул тўлашингиз керак бўлади.

Курслар рўйхати:

• Python;
• Java;
• HTML va CSS;
• IoT dasturlash;
• C;
• Дастурлашга кириш.

3. “Code Academy” – одамлар бепул кодлашни ўрганадиган энг машҳур сайтлардан бири. 24 миллиондан ортиқ одам ушбу платформадан фойдаланиб дастурлашга илк қадамларини ташлаган. Жамоа дастурлашдан тортиб, илғор тилларгача бўлган курсларни таклиф қилади. Таълимга интерактив ёндашув олинган билимларни дарҳол қўллаш имконини беради. 
“Code Academy”да ўрганишингиз мумкин бўлган баъзи тиллар:

• HTML;
• JavaScript;
• CSS;
• jQuery;
• PHP;
• Python;
• Ruby.

Бошқа йўналишлар ҳам бор, лекин юқоридаги тиллар рўйхати асосий ҳисобланади.

4.  edX – олий таълим учун кенг кўламли очиқ манба платформаси. Тармоқда ҳозирда 5 миллиондан ортиқ талаба бор.

Сайт дастурлаш билан чекланмасдан, бир нечта турли тоифаларга бўлинган. Агарда сиз фақатгина кодлашни ўрганмоқчи бўлсангиз «Информатика» бўлимини танланг.

Бу ерда сиз тиллар бўйича ўқув материаллари ва бошқа керакли кўникмаларни топасиз, масалан:

• HTML va CSS;
• Java;
• jQuery;
• C++;
• C#;
• Python;
• SQL;
• Мобил иловаларни ишлаб чиқиш.

Курсларнинг аксарияти пуллик, аммо дастурлаш асосларини ўрганиш учун етарлича бепул ўқув материаллари ҳам мавжуд.

5. “Khan Academy” – кенг қамровли онлайн таълим платформаси. Бу дастурлаш билан боғлиқ билим ва кўникмаларингизни бойитиш учун ажойиб жой. Сиз компьютер дастурлаш асосларини ва мураккаб иловаларни ишлаб чиқишни ўргатувчи курслар ва қўлланмаларни айнан шу сайтдан топасиз.

Барча курслар мутахассислар томонидан олиб борилади. Бироқ, талабалар бутун жараён давомида ўрганганларини баҳам кўришлари тавсия этилади. 

Khan Academy билан сиз қуйидаги технологиялар ва дастурлаш тилларини ўрганишингиз мумкин:

• HTML;
• CSS;
• Javascript;
• Маълумотлар базаси.

Умуман дастурлаш асосини ташкил этувчи фалсафа ва кўникмаларни ўргатадиган асосий курслар ҳам мавжуд.

Юқоридаги платформалар бугунги куннинг энг талабгир соҳаларидан бўлмиш дастурлашга сизни олиб кира олди деган умиддамиз. Ушбу рўйхатни давом эттиришимизни хоҳлайсизми?
 

• Дастурчи