“Wilson” компанияси дунёдаги биринчи ҳавосиз баскетбол тўпининг 3D кўринишини яратди. Тўпнинг инқилобий дизайни аллақачон Американинг “Хюстон Рокетс” баскетбол клуби ҳужумчиси Кай Жей Мартин томонидан юқори баҳоланган.

Ҳозиргача фақат “Wilson Airless Prototype” деб номланган прототип яратилган холос. Бу унинг таниқли спорт товарлари ишлаб чиқарувчиси бўлган компания томонидан расман тақдим этилган.

Янгилик ўзига хос тузилишга эга. Тўпнинг қутбли юзаси улар орқали ҳаво эркин ўтишига имкон берувчи кичик олти бурчакли тешиклар билан жиҳозланган. Шу билан бирга, анъанавий саккиз панелли тикув тузилиши сақланиб қолинган.

“Бу тўп биз умуман кўрмаган жисмга ўхшаб кўринса-да, аммо у биз билган барча баскетбол тўплари сингари ўйнаш учун мўлжалланган”, – дейди ишлаб чиқарувчилар.

“Wilson Labs” жамоаси турли компаниялар билан биргаликда ривожланишга ҳисса қўшди. Мисол учун, “General grid” компьютер ёрдамида дизайн хизматларини тақдим этгани маълум, “DeMantion” эса ранг бериш билан шуғулланган.

Хабарларга кўра, ҳавосиз баскетбол тўпи синовларда яхши натижаларга эришган, аммо уни бутун дунё бўйлаб баскетбол майдонларида кўриш учун бироз вақт керак бўлади. Қизиқ, бундай янги технология нархи қанча туради? Ҳозирча бу ҳақда ҳеч қандай маълумот йўқ.

• Баскетбол
• ихтиро