Жимми Доналдсон ёки Жаноб Бист номи билан танилган YouTube блогери 2 июнь куни ўз каналида обуначилари сони бўйича рекорд ўрнатди. Унинг аудиторияси 270 миллионга яқин фолловерлардан иборат.

Жимми Доналдсон 1998 йил 7 майда АҚШнинг Шимолий Каролина штати, Гринвил шаҳрида туғилган. У болалигидан видео ўйинлар ва Интернетга қизиқиб келган, бу эса уни 2012 йилда ўзининг YouTube каналини яратишга олиб келди. Канални очганда Жимми атиги 13 ёшда эди.

Аввалига Доналдсон турли жанрларда ва мавзуларда видеолар яратишга ҳаракат қилди: блогер видео ўйинлар, турли маҳсулотга тавсиф ва шарҳ берди, шахсий ҳаёти ҳақида влоглар олди. Куни кеча ёввойи табиатда омон қолиш ҳақидаги видеоси бир сутка ичида 50 миллиондан ортиқ марта кўрилди.

Жимми нафақат кўнгилочар, балки эзгу ишларга илҳомлантирувчи контент яратишга ҳам эътибор қаратди. У кенг кўламли хайрия тадбирларини уюштирди, мутлақ бегона инсонларга юз минглаб доллар ҳадъя қилди, тиббий операцияларни молиялаштирди ва ҳатто уйсизлар учун бошпаналар берди. Жаноб Бист Африканинг бир неча қашшоқ ерларига ташриф буюриб, у ерда сув олиш учун юзта қудуқ қаздирди ва аҳолини ичимлик суви билан таъминлади.

Гап шундаки, 2019 йилда Ҳиндистоннинг T-Сериэс мусиқий лейбли обуначилар сони бўйича ПеwДиэПиэъни ортда қолдириб, YouTube’да етакчи блогерга айланди.

• Блогер