Тошкентдаги «Юнусобод спорт мажмуаси» мезбонлик қилган дзюдо бўйича Тошкент «Катта дубулға» турнири ниҳоясига етди.

Дунёнинг 49 мамлакатидан ташриф буюрган спортчилар ўртасидаги баҳсларда Ўзбекистон терма жамоаси Япониядан сўнг умумжамоа ҳисобида иккинчи ўринни эгаллади.

Мусобақада дзюдочиларимиз 3 та олтин, 1 та кумуш ва 4 та бронза, жами 8 та медални қўлга киритишди. Қайд этилишича, бу «Катта дубулға» турнирларида медаллар сони бўйича Ўзбекистон терма жамоаси учун янги рекорд ҳисобланади.

Мусобақада ғолиб ва совриндор бўлган ўзбекистонлик спортчилар билан танишинг:

Олтин медаль:

-73 кг: Муроджон Йўлдошев

-90 кг: Давлат Бобонов

+100 кг: Алишер Юсупов

Кумуш медаль:

-66 кг: Сардор Нуриллаев

Бронза медаль:

-60 кг: Достон Рўзиев

-66 кг: Муҳриддин Тиловов

-81 кг: Мусо Собиров

-70 кг: Гулноза Матниязова

• Дзюдо
• Катта дубулға
• Ўзбекистон