18 апрель куни Эрон АҚШ томонидан давом эттирилаётган денгиз блокадаси сабабли Ҳормуз бўғози фаолияти яна чекланганини маълум қилди.

Эроннинг «Хатам ал-Анбия» марказий қўмондонлиги расмий вакилига кўра, АҚШнинг минтақадаги денгиз ҳаракатлари тўхтатилмагани боис бўғоз устидан назорат яна кучайтирилган.

Эрон аввал эришилган келишувларга амал қилган ҳолда, Ҳормуз бўғози орқали чекланган миқдордаги нефть ва савдо кемаларининг ўтишига рухсат берган эди. Бироқ АҚШ блокада доирасидаги ҳаракатларини давом эттиргани вазиятни кескинлаштирган. Натижада стратегик аҳамиятга эга бўлган ушбу сув йўли Эрон Қуролли кучлари томонидан қатъий назорат остига олинган.

Расмий баёнотда қайд этилишича, АҚШ Эрон томон йўл олган ва ундан чиқаётган кемалар учун тўлиқ эркин ҳаракатни тикламагунча, мавжуд тартиб ўзгармайди.

Эслатиб ўтамиз, бир кун аввал Эрон ташқи ишлар вазири Аббос Ароқчи Ҳормуз бўғози тижорат кемалари учун очилганини билдирган эди. Шундан сўнг АҚШ президенти Дональд Трамп бу қарорни олқишлаб чиқиш қилган. Бироқ кейинчалик АҚШ томони Эрон портларига нисбатан денгиз блокадаси давом этишини маълум қилган.