Ўзбекистон Республикаси Президенти топшириғига мувофиқ, маданият ва санъат соҳасини ривожлантириш ҳамда мавжуд муаммоларни ҳал этиш мақсадида очиқ мулоқотлар ташкил этилмоқда.

Мазкур учрашувларда соҳа вакиллари, ижодкорлар, тадбиркорлар ҳамда ёшлар иштирок этиши мумкин. Мулоқотлар Президент Администрацияси вакиллари, маданият вазири Озодбек Назарбеков ҳамда тегишли вазирлик ва идоралар раҳбарлари иштирокида ўтказилади.

Очиқ мулоқотлар 2026 йил 20–25 апрель кунлари тасдиқланган жадвал асосида бўлиб ўтади.

Учрашувлар кино ва анимация, ижрочилик санъати, адабиёт, театр ва цирк, халқ ижодиёти, блогерлик фаолияти, маданий мерос, тасвирий ва амалий санъат, маданият таълими ҳамда болалар контенти каби йўналишларни қамраб олади.

Мулоқотлар давомида соҳадаги долзарб муаммолар муҳокама қилинади, амалий таклифлар қабул қилинади ва янги ташаббуслар кўриб чиқилади. Энг муҳим таклифлар муаллифлари Давлат раҳбари иштирокидаги йиғилишга таклиф этилиши мумкин.

Очиқ мулоқотларда иштирок этиш учун олдиндан рўйхатдан ўтиш талаб этилади. Рўйхатдан ўтиш Telegram’даги махсус бот орқали амалга оширилади: @mv_ochiqmuloqot_bot.

Шунингдек, учрашувлар жадвали билан қуйидаги ҳавола орқали танишиш мумкин:
https://gov.uz/oz/madaniyat/news/view/155255

Эслатиб ўтамиз, бот орқали рўйхатдан ўтмаган фуқаролар учрашувларга киритилмайди.

• Маданият
• Санъат
• muloqot