Таёқчага қуйилган эскимо музқаймоғи шу қадар оддий кўринадики, буни ҳатто ёш бола ҳам ўйлаб топиши мумкин, деб ўйлаб қолиш ҳеч гап эмас. Аслида ҳам шундай бўлган.

1905 йилнинг қишида 11 ёшли Френк Эпперсон мевали салқин ичимлик тайёрламоқчи бўлади, аммо ичимликни аралаштирган таёқчаси билан бирга кўчада унутиб қолдиради. Эртаси куни дунёдаги илк эскимо Френкни остонада кутиб турган эди.

Орадан тахминан 18 йил ўтганидан сўнг Френк ўз ихтиросини патентлайди. Эскимо шу қадар машҳур бўлиб кетган эдики, Эпперсон расмий ишини ташлаб, фақат музқаймоқ сотиш билан шуғулланишни бошлайди.

• shirinliklar