Яримўрта вазн (66,7 кг.гача) тоифасида WBC, WBO ва WBA чемпионлик камарлари соҳиби Теренс Кроуфорд навбатдаги жангини Исроил Мадримовга қарши ўтказади. Бу ҳақда ESPN хабар берди.

Маълумотларга кўра, ушбу жанг 3 август куни АҚШнинг Калифорния штати Лос-Анжелес шаҳрида бўлиб ўтади.

Қайд этилишича, ўтган йилнинг 30 июль куни Кроуфорд ҳамюрти Эррол Спенсни тўққизинчи раундда техник нокаутга учратиб, яримўрта вазн тоифасида мутлақ жаҳон чемпионига айланган.

Америкалик чемпион проф рингда ўтказган 40 та жангининг барчасида ғалаба қозонган, 31 та жангда нокаут қайд этилган.

Эслатиб ўтамиз, Исроил Мадримов 8 март оқшомида Саудия Арабистонининг Ар-Риёд шаҳрида россиялик Магомед Курбановни 5-раундда нокаутга учратиб, WBA камарини қўлга киритганди.

• Бокс
• Исроил Мадримов
• Спорт