Сўнги кунларда ижтимоий тармоқларда Фарғона вилоятининг Бешариқ туманида “ёввойи одам” пайдо бўлганлиги ҳақида турли хил маълумотлар тарқалмоқда. Мазкур хабарлар фонида вилоят ИИББ расмий муносабат билдирди.

“Интернет ижтимоий тармоқларида Бешариқ туманида “ёввойи” кимса пайдо бўлгани ва аёллар, болаларга ташланиб қолаётганлиги ҳақида тарқалган хабар Фарғона вилояти ИИББ томонидан ўрганиб чиқилди.

Мазкур  ҳолат юзасидан ўтказилган тезкор қидирув ҳамда терговга қадар текширув ҳаракатлари давомида фуқаролар томонидан айтиб келинаётган “яланғоч одам”, “ёввойи одам” ни ҳеч бир шахс кўрмаганлиги, унинг тасвири видеокузатув камераларига тушмаганлиги, қолаверса мазкур ҳолат сунъий шов-шув кўтариш учун тарқатилган ёлғон хабар эканлиги маълум бўлди.

Ҳурматли фуқаролар, юқоридаги каби хабарларга ишониб, ноўрин хулосага борманг. Ижтимоий тармоқ фаолларини бу каби асосланмаган маълумотларни тарқатмасликка чақирамиз” – дейилади хабарда.

• ИИББ
• ИИВ
• fuqaro
• rasmiy munosabat