31°
Кечаси 18°
Американинг Forbes журнали 2024 йилда ташриф буюришингиз керак бўлган дунёдаги ажойиб сайёҳлик йўналишлари ҳақида мақола чоп этди.
Нашр хабарига кўра, Ўзбекистон 2024 йилда саёҳат қилиш учун энг яхши йўналишлар рўйхатига киритилган. Forbes молиявий-иқтисодий журнали ўз ўқувчиларига Республика бўйлаб саёҳат қилишни тавсия этиб, Ўзбекистонни 2024 йилда ташриф буюриш учун энг яхши жойлардан бири сифатида белгилаб берди.
Мақолада дунёнинг етакчи “Lonely Planet” йўриқномаси нашриёти вице-президенти Том Холлнинг сўзларидан иқтибос келтирилади: “Ўзбекистон Ипак йўли давридаги энг яхши сақланиб қолган тарихий обидалар, улуғвор тоғлар ва истиқболли пойтахт билан фахрланади”.
Шунингдек, мақолада мамлакатимиз ҳудудлари бўйлаб саёҳат қилиш учун қулай ва арзон поездлар қатнови йўлга қўйилгани айтилади. “Америкалик саёҳатчилар учун Нью-Йоркдан Ўзбекистонга ҳафтада бир неча тўғридан-тўғри рейслар мавжуд. Шунингдек, Сеул ва Истанбул орқали транзитлар сайёҳлар учун қулайлик яратади”, — дейилади мақолада.
2022 йилда Форбес Ўзбекистонни саёҳат қилиш учун энг яхши 50 та минтақа рўйхатига киритган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
