Бугун, 8 ноябрь куни Германия Федерал жиноий полиция бошқармаси ходимлари Швейтсариянинг йирик UBS банкининг Франкфурт ва Мюнхендаги филиалларида тинтув ўтказмоқда. Бу ҳақда Германиянинг Спиегел журнали хабар берди.
Аниқлик киритилишича, тинтувлар Франкфурт- на-Майн бош прокуратураси топшириғи билан ўтказилмоқда. Бошқарма маълумотларига кўра, рейддан кўзланган мақсад жиноий даромадларни легаллаштириш бўйича далиллар тўплашдан иборат. Шу билан бирга, банк ходимларига нисбатан ҳеч қандай айбловлар йўқ.
Нашр маълумотларига кўра, россиялик тадбиркор жиноий даромадларни легаллаштириш, “Ташқи савдо ва тўловлар тўғрисида”ги қонунни бузиш, шунингдек, солиқ тўлашдан бўйин товлашда гумон қилинмоқда.
Спиегел маълумотларига кўра, терговчилар 2018 йилдан 2020 йилгача бўлган даврда икки миллион евродан ортиқ суммадаги банк ҳисобларидаги шубҳали ҳаракатлардан манфаатдор.
Нашрнинг ёзишича, нақд пул операциялари асосан йирик миқдордаги нақд пул ечиб олиш, шунингдек, Omnia Services Group Ltd ва Tegernsee (IOM) Ltd ширкати ўртасидаги пул ўтказмаларини ўз ичига олган. Усмонов активларни кўчириш ва уларнинг ҳақиқий эгалигини яширишга уринганликда гумон қилинмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!