Осиё ва Африка давлатлари ҳавони ифлосланиш даражаси юқори бўлган давлатлар рўйхатида етакчилик қилишда давом этмоқда.

Бу ҳақда Чикаго университети энергетика сиёсати институти тадқиқотчилари томонидан тузилган йиллик ҳаво сифати ҳаёт индексида айтилади.

Мутахассислар атмосферадаги майда PМ 2,5 зарралари концентрациясини баҳолаб, Бангладеш, Ҳиндистон, Покистон, Хитой, Нигерия ва Индонезияда яшовчи одамлар ҳаёти ва соғлиғи энг кўп хавф остида эканлигини аниқлашди.

Тадқиқотчиларнинг фикрича, Жанубий Осиёда PМ2.5 даражаси 2013 йилдан буён деярли 10 фоизга ошган ва бу минтақада умр кўриш давомийлигини тахминан беш йилга қисқартирган. Мутахассисларнинг қўшимча қилишича, Марказий ва Ғарбий Африкада энергия истеъмоли ортиб бораётгани сабабли ҳавонинг PM 2,5 заррачалари билан ифлосланиши одамлар учун ОИВ/ОИТС ёки безгак каби жиддий хавфга айланган.

• Ifloslanish
• Об-ҳаво