Кеча тунда Россия Украина бўйлаб йирик ракета ҳужумларини уюштирди. Ҳужумлар оқибатида Киев шаҳрини қуюқ туман қоплади. Россиянинг Украина шаҳарларига ракета ҳужуми натижасида 13 киши ҳалок бўлди – дея хабар берди Reuters нашри.

Пайшанбага ўтар кечаси Россия Киев ва бошқа йирик шаҳарларга ракета ва дронлар билан зарба берди. Ҳужумлар оқибатида жами 13 киши ҳалок бўлган, уларнинг орасида 12 ёшли бола ҳам бор. Энг кўп қурбонлар Одессада (7 киши) ва Киевда (5 киши) қайд этилди, Днепр шаҳрида эса икки киши ҳаётдан кўз юмди.

Киев мери Виталий Кличконинг маълум қилишича, пойтахтда 45 киши жароҳатланган, кўп қаватли уйлар ва инфратузилма объектларига жиддий зарар етган. Днепр ва Одессада ҳам турар-жой бинолари ёниб кетган ва ўнлаб фуқаролар яраланган. Харковда эса дрон ҳужумлари натижасида икки киши тан жароҳати олгани хабар қилинди.

• Raketa
• Россия
• Украина
• Уруш