Атроф-муҳитни муҳофаза қилиш ва чиқиндиларни тўғри бошқариш экологик барқарорликнинг муҳим шартларидан биридир. Ўзбекистон Республикаси Конституциясининг 62-моддасига кўра, фуқаролар табиатга эҳтиёткорона муносабатда бўлишга мажбурдирлар.

Мамлакатда қурилиш ишлари ҳажми ортиши билан қурилиш чиқиндиларининг белгиланмаган жойларга ташланиши ҳолатлари ҳам ортиб бормоқда. Амалдаги қонунчиликка мувофиқ, бундай ҳолатлар учун маъмурий жавобгарлик белгиланган.

Ҳозирда махсус ишчи гуруҳ томонидан республика бўйлаб рейдлар ўтказилиб, ноқонуний чиқинди ташлаш ҳолатлари аниқланмоқда ва тегишли чоралар кўрилмоқда. Айрим ҳудудларда видеокузатув тизимлари ҳам ўрнатилмоқда.

Ҳурматли фуқаролар, экологик ҳуқуқбузарликларни кўрсангиз, қуйидаги рақамларга мурожаат қилишингиз мумкин: 1157, 1207, (71) 207-11-07, (71) 207-11-08. Шунингдек, @ecogovuz_bot Telegram боти орқали мурожаат юбориш мумкин.